Роналд Куман доби отказ од Барселона по најновиот пораз од Рајо Валјекано, но холандскиот стратег е разочаран од односот на претседателот Хоан Лапорта. Тој му соопштил за отказот во авионот додека тимот се враќал од гостувањето во Мадрид. ренерот не бил задоволен од начинот на кој раководството се однесувало со него.
„При враќањето од Мадрид, Лапорта во еден момент му соопштил дека нема да ја продолжат соработката. Но, тој во соработката со Лапорта никогаш не се чувствувал како вистински тренер, едвај чекаше да заврши оваа приказна. Барселона сега од него бара да прифати помала отштета од предвидените 12 милиони евра и јас мислам дека Роналд нема да се согласи. Тој беше прв кој прифати одложување на исплата на платите кога клубот имаше проблеми минатото лето“, коментира Луис Канут, шпанскиот новинар кој важи за близок пријател на Роналд Куман.
