Дефанзивецот на Манчестер Сити, Ејмерик Лапорт, сака да ја продолжи кариерата во Барселона. 28-годишниот дефанзивец е фрустриран од својот статус во англискиот шампион и е подготвен да се пресели кај лидерот во шпанското првенство.
За таа цел Лапорт е подготвен да се согласи на намалување на платата.
Тој е во Манчестер Сити од 2018 година, а оваа сезона забележа 19 настапи во сите натпреварувања.
Шпанскиот репрезентативец со француско потекло е поранешен играч на Атлетик Билбао.
