Крилото на Барселона, Ламин Јамал, продолжува да испишува историја во дресот на каталонскиот тим. Младиот играч постави уште еден рекорд во големото дерби против Реал Мадрид (0-4).
Тој го постигна третиот гол на натпреварот на „Сантијаго Бернабеу“, со што стана најмладиот стрелец во историјата на Ел Класико.
Јамал го постигна голот на возраст од 17 години и 105 дена, со што го подобри претходното достигнување на Ансу Фати, кој погоди против Реал Мадрид при поразот од 1-3 на „Камп Ноу“ на возраст од 17 години и 359 дена.
