Холандскиот репрезентативец Чави Симонс ќе продолжи да игра за Лајпциг и во новата сезона, соопшти клубот. Офанзивниот играч за врска повторно ќе биде позајмен од ПСЖ, а договорот меѓу двата клуба е на една година.
Симонс беше силно посакуван и од Баерн Минхен, но одлучи да остане во редовите на „биковите“. Во новата сезона повторно ќе му биде соиграч на Елиф Елмас.
Претходната сезона, Холанѓанецот постигна 15 гола и забележа 10 асистенции.
Во новиот договор со Лајпциг нема да има клаузула за комплетен откуп.
