Германскиот бундеслигаш Лајпциг ги договори условите со Ленс за ангажман на белгискиот напаѓач Луис Опенда.
Еден од најдобрите напаѓачи на француската Лига 1 од минатата сезона се сели во Германија во трансфер вреден 38 милиони евра, плус бонуси.
Тој пристигнува како замена за Кристофер Нкунку кој се пресели во Челси за 60.000.000.
Опенда може да игра и како крило и како напаѓач. Тој е исклучително брз, со завидна техника.
Минатата сезона во дресот на Ленс постигна 21 гол и со тоа им покажа на клупските челници дека не погрешиле кога го доведоа од Клуб Бриж една година претходно за 12.000.000 евра.
Вицешампионот на Франција претходно одби 30 милиони евра од Лајпциг.
Инаку, ова е рекордна продажба за Ленс, додека во исто време Опенда стана најскапата аквизиција на Лајпциг, надминувајќи го доаѓањето на Доминик Шобошлаи кој сега веќе е член на Ливерпул.
