Бундеслигашот Лајпциг, тимот кој стана редовен учесник во Лигата на шампионите, објави дека го продолжи договорот на тренерот Марко Росе. Новиот договор е до летото 2026 година, што е продолжување за 12 месеци од претходниот.
Росе, кој по потекло е од Лајпциг, ги презеде „црвените бикови” во есента 2022 година. Во тој период тимот го освои Купот на Германија, двапати се квалификуваше во Лигата на шампионите, и двапати ја мина групната фаза на „турнирот на богатите“.
Марко Росе претходно беше тренер на Борусија Дортмунд, Борусија Менхенгладбах, Салцбург и Локомотив Лајпциг.
