Шпанскиот гигант Реал Мадрид во летниот преоден рок ќе тргне по Килијан Мбапе, напаѓачот на Пари Сен Жермен кој израсна во еден од најдобрите светски фудбалери и се предвидува дека ќе биде наследникот на Роналдо и на Меси како најголема планетарна ѕвезда. Тоа го препознава претседателот на „кралскиот клуб“, Флорентино Перез и веќе подготвил 150 милиони евра за трансферот на Французинот.
Мбапе одби да го продолжи договорот со Пари Сен Жермен, актуелниот му истекува во јуни 2022 година и „светците“ ќе мораат да го продадат ова лето ако сакаат да заработат на неговото заминување од Париз.
Покрај Мбапе, Перез ја разгледува можноста за купување и на Ерлинг Халанд, да направи нов револуционерен потег и да ги доведе во Мадрид двете најголеми млади ѕвезди во светскиот фудбал.
