Барселона синоќа им приреди ново разочарување на своите навивачи, а на „Камп Ноу“ едвај го избегна поразот од Гранада. На крајот заврши 1-1 и Барса освои бод, што секако не може да ги задоволи апетитите на овој клуб и на фановите.
Роналд Куман е се поблиску до отказ на клупата на каталонците, а неговата изјава по натпреварот дополнително ги налути сите.
„Кога ќе го видите нашиот тим, што може да се стори? Како да играме „тики-така“ кога нема простор никаде? Моравме да бараме алтернативен пат до победата. Во овој состав немаме играчи кои се добри еден на еден, ниту имаме брзина во проигрувањата. Со оглед на она што го имаме, дадовме се од себе и можевме дури и да победиме “, изјави Куман.
