Поранешниот тренер на Барселона, Роналд Куман, изјави дека каталонскиот клуб е поуспешен под негова команда отколку оваа сезона со Чави Хернандез, кој го наследи на клупата на „Камп Ноу“ кон крајот на есента.
„Немав поддршка од претседателот. Се надевам дека Чави ја има бидејќи е клупска легенда. Ситуацијата во Барселона е иста како кога бев и јас. Менувањето на тренерот не се покажува секогаш како решение“, изјави идниот селектор на холандската репрезентација.
Тој направи и анализа на бодовната состојба на тимот.
„Кога ја напуштив Барселона, разликата во однос на Реал Мадрид беше осум бода, сега е двојно повеќе“, рече Куман и со тоа додаде масло на огнот на уште една неуспешна сезона на „Камп Ноу“.
