Селекторот на Холандија, Роналд Куман, го коментираше синоќешниот ждреб за ЕВРО 2024. „Лалињата“ паднаа во група со Франција и со Австрија, а нивниот последен противник ќе биде одреден во плеј-офот.
„Сакав да не бидеме во група со Франција, но мислам дека и тие не би сакале да бидат со нас. Ќе видиме кој ќе биде четвртиот тим. Немаме толку многу информации за Австрија, но ќе се подготвиме“, изјави Куман.
„Нашата цел е титулата. Секогаш е така. Ако учествуваме на турнир, нашата желба е да го освоиме“, додаде тој.
