Тренерот на Барселона, Роналд Куман, се обидува да склопи конкурентен тим за следната сезона иако каталонскиот гигант се наоѓа во многу сложена финансиска ситуација. Раководството на Барса има големи проблеми со огромниот буџет за плати на фудбалерите и преговара за нивно намалување. Ќе мора и да продава дел од најплатените фудбалери за да избегне проблеми со финансискиот фер-плеј.
Токму затоа Куман ќе се обиде на „Камп Ноу“ како позајмен играч да го доведе Дони ван де Бек од Манчестер Јунајтед. Тој немаше голема минутажа кај Оле Гунар Солскјер минатата сезона, се очекува нешто слично и в новиот шампионат, а Ван де Бек бара солуција каде ќе игра многу повеќе.
Роналд Куман одлично ги познава квалитетите на Дони ван де Бек од периодот кога ја предводеше фудбалската репрезентација на Холандија и верува дека тој би можел да биде одлично решение за Барселона.
