Шкендија имаше една седмица повеќе да размисли како испушти два бода на домашен терен против Работнички (1-1) и дозволи Шкупи да се израмни бодовно на врвот на табелата. Дефанзивецот Јан Кривак вели дека поуки се извлечени и треба да се применат веќе на дуелот против Ренова.
„Сакаме да се вратиме на победнилките патеки. Не смееме да испуштаме бодови, посебно кога играме во Тетово. Имаме можност за поправен против Ренова и се надеваме дека ќе бидеме на потребното ниво. Првенството е долго, но мораме да бидеме на висина на задачата во секој момент од „маратонот“. Подготвени сме да одговориме на предизвикот“, вели Јан Кривак.
Александар Грујоски од Кичево ќе биде главен судија на мечот Ренова – Шкендија.
