Кристијано Роналдо вечерва се врати во Манчестер и во наредните денови ќе ја разјасни својата иднина со Манчестер Јунајтед. Португалецот ќе има разговор не само со шефовите на „црвените ѓаволи“, туку и со менаџерот Ерик тен Хаг, кој ќе се обиде да го убеди да остане во тимот.
Роналдо се уште не почнал да тренира пред сезоната, а како причина за тоа се наведени семејни причини. 37-годишниот напаѓач планира да го напушти „Олд Трафорд“ и да се пресели во тим кој ќе учествува во Лигата на шампионите. Неговиот агент Жорге Мендеш продолжува да бара нов тим.
Опциите се Челси, Баерн Минхен и Атлетико Мадрид. Пред две седмици, Томас Тухел ја отфрли можноста Роналдо да заврши на „Стемфорд бриџ“, но Мендеш ќе продолжи да работи во оваа насока.
Баерн нема вистински интерес за Португалецот, а Атлетико треба да продаде најмалку двајца играчи за да може да си ја дозволи поранешната ѕвезда на Реал Мадрид.
Куриозитет е фактот што партнерката на Роналдо, Георгина Родригез, на социјалните мрежи ја заследи сопругата на Диего Симеоне, Карла Переира. Можеби веќе се запознале и имале одредени разговори.
Во оваа фаза, позицијата на Манчестер Јунајтед останува непроменета и клубот сака да го задржи својот водечки стрелец до крајот на неговиот договор следното лето.
