Кристијано Роналдо побарал од раководството на Манчестер Јунајтед да го пушти да си замине од „Олд Трафорд“ доколку пристигне соодветна понуда во клубот, пишува британски „Тајмс“. Главниот мотив на 37-годишниот Португалец е неговата желба да игра во Лигата на шампионите.
Роналдо играше во најпшрестижното клупско натпреварување во 19 последовни сезони од 2003 година. Тој никогаш не се појавил во Лига Европа, каде што Манчестер Јунајтед ќе игра следната сезона.
Кристијано верува дека има уште три или четири години на високо ниво и сака да ги помине во клуб кој е способен да освојува трофеи, како и да му помогне да додаде нови во колекцијата на индивидуални достигнувања.
Неговиот агент Жорге Мендеш веќе го понудил на неколку клубови, почнувајќи од Баерн Минхен, Челси, Рома, а последните гласини се дека Роналдо би можел да биде и соиграч на Елиф Елмас во Наполи.
