Фудбалерот на Челси, Кристијан Пулишиќ, веќе во јануари би можел да го напушти „Стемфорд бриџ“ бидејќи не е задоволен од својот статус во тимот. Американецот, според медиумите на Островот, веќе се согласил на преселба во Њукасл. Потребно е Челси да се согласи на продажба на 24-годишниот фудбалер и од следната година ќе го гледаме на „Сент Џејмс Парк“.
Богатиот Њукасл подготвил 40 милиони евра за офанзивецот чиј договор со „сините“ истекува во 2024 година, но тој е подготвен за предвремено заминување поради фрустрација од малата минутажа и улогата во тимот под водство на претходниот менаџер Томас Тухел, а работите не се сменија ниту со доаѓањето на Грем Потер.
Пулишиќ, кој е во клубот од 2019 година, пристигна од Борусија Дортмунд за 64 милиони евра, а сезонава стартуваше само на два натпревари во Премиер – лигата и постигна само еден гол во сите натпреварувања.
