Реал Мадрид ги разгледува опциите за да го отстапи Еден Азар оваа зима, а иделната опција за шпанскиот гигант е тој да се врати на „Стемфорд бриџ“ во размена на фудбалери. Италијанскиот стратег Карло Анчелоти од актуелниот европски првак го посакува десниот бек Рис Џејмс.
22-годишниот Рис Џејмс на 22 натпревари оваа сезона постигна пет гола и имаше шест асистенции. Тој игра одлично и речиси е сигурно дека Челси нема да се сложи на ваква размена. Договорот на англискиот репрезентативец има важност до 2025 година, а Рис Џејмс е проценет на 55 милиони евра.
