Пресметката меѓу Шпанија и Хрватска е еден од двата осминафинални натпревари кои предизвикуваат најголемо внимание заедно со мегадуелот меѓу Англија и Германија.
Хрватот Матео Ковачиќ, кој е поранешен играч на „кралскиот клуб“, уште повеќе ја „запали“ атмосферата со ставот дека е изненаден што Луис Енрике не повикан ниеден фудбалер на Реал Мадрид во селекцијата на Шпанија.
„Дефинитивно ќе имаме тежок натпревар. Шпанците се одлични, ќе биде важно да се контролира топката што е можно повеќе, бидејќи тие сакаат да ја поседуваат. Же има битка и мора да победиме. Шпанија ќе биде подготвена за натпреварот бидејќи тие знаат дека сме добри. Јас напредував откако го напуштив Реал Мадрид. Сега сум неколку години постар и поискусен. Играм за Челси со поголема упорност. Искрено, чудно е што во репрезентацијата на Шпанија нема играчи на Реал Мадрид. Не знам дали некогаш се случило, но тоа само значи дека Шпанците имаат одлични играчи и во другите клубови. Долго време играм со Лука Модриќ и Марсело Брозовиќ. Дефинитивно се чувствуваме добро кога играме заедно и ќе мораме да ја добиеме битката со Шпанците во средниот ред“, изјави Ковачиќ.
