Манчестер Јунајтед доживеа пораз (4-3) во шокантната пресметка против Копенхаген во Данска во четвртото коло од групната фаза на Лигата на шампионите. Сѐ тргна наопаку кога Маркус Рашфорд беше исклучен на крајот од првото полувреме кога „црвените ѓаволи“ водеа со 0-2.
Ако мислеше дека ноќта за англискиот репрезентативец не може да биде полоша, тогаш се излажа.
Полицијата во Мајами потврди дека братот на Маркус и негов агент Дејн, е уапсен поради семејно насилство на Флорида.
Засега нема многу познати детали за случајот, но нема сомнеж дека тоа беше многу лоша вечер и за Рашфорд и за Манчестер Јунајтед.
