Кореа го среди Рајо, Столе Димитриевски остана на клупата (ВИДЕО)

Шпанскиот првак Атлетико Мадрид победнички ја стартуваше 2022 година. Тимот на Диего Симеоне го совлада Рајо Ваљекано со 2-0, а човек на одлука беше Анхел Кореа. Тој ги постигна двата гола на овој натпревар.

Кореа погоди во 28.минута за отворање на резултатот, а во 53.минута уште еднаш ја затресе мрежата на гостите. Денеска на голот на Рајо Ваљекано беше Лука Зидан, а Столе Димитриевски, кој неколку дена беше позитивен на Ковид-19, остана на клупата за резервни фудбалери.