Тотенхем одигра 1-1 против Спортинг Лисабон во Лондон, а ВАР технологијата му одзеде победа во 95.минута. Хари Кејн постигна гол, целиот стадион беше во делириум, а потоа беше донесена одлука дека сепак има офсајд при оваа акција.
Антонио Конте збесна, имаше жестока реакција, а доби црвен картон. Разбирлива е реакцијата на сите во Тотенхем, со оглед дека ако голот беше признат, ќе избореа пласман во осминафиналето на ЛШ. Вака, сите четири екипи од групата, Тотенхем, Спортинг Лисабон, Ајнтрахт Франкфурт и Олимпик Марсеј имаат шанси за влез во нокаут фазата.
