Италијанскиот стратег Антонио Конте ги негираше шпекулациите дека би можел да ја преземе тренерската позиција во Барселона или во Арсенал. Тој се споменува како еден од сериозните кандидати за нов тренер на Барса, со оглед дека се одбројуваат последните денови од работата на Роналд Куман. Претходно, тој беше во комбинација на Островот и за преземање на англискиот премиерлигаш Арсенал.
Но, Конте ги демантира ваквите гласини и вели дека во моментот се одмора и е посветен на својата нова работа, како телевизиски аналитичар на европските фудбалски натпревари.
