Англискиот премиерлигаш Тотенхем се вклучува во трката за Франк Кеси, фудбалерот за врска на Милан. Тој влегува во последните шест месеци од актуелниот договор со „росонерите“ и од денеска може слободно да преговара со заинтересираните клубови за негов трансфер.
Италијанскиот стратег Антонио Конте побара од раководството на Тотенхем да се обиде да го доведе Франк Кеси во Лондон. Тој е подготвен да му ги исполни финансиските барања за негова преселба во Лондон.
Покрај Тотенхем, за Кеси се интересираат и Пари Сен Жермен, Реал Мадрид, Барселона и Манчестер Јунајтед.
