Тренерот на Порто, Серџо Консеисао, е задоволен од триумот (2-1) над италијанскиот првак Јувентус во првиот меч од нокаут фазата во Лигата на шампионите. Сепак, вели дека примениот гол во финишот малку го расипал впечатокот.
„Го изненадивме Јувентус на почетокот и на првото и на второто полувреме. И тоа не беше случајно. Одигравме одличен пресинг, момците беа фантастични и заслуживме да победиме“, истакна Консеисао.
Сепак, примениот гол му дава можност на Јувентус со минимална победа во Торино да се пласира во следната рунда од ЛШ.
„Можевме да победиме и со 3-0, а примивме гол за 2-1. Останува горчина за примениот гол, бидејќи тоа не го заслуживме. Јувентус првиот удар кон нашиот гол го упати дури во 70. минута“, дополни португалскиот стратег.
