Тренерот на Баерн Минхен, Венсан Компани, не беше среќен по поразот (1-0) од Астон Вила, но, сепак, истакна и дека не е тоа крај на светот за неговиот тим. Најважно ќе биде тој и фудбалерите да извлечат поуки од поразот.
„Загубивме и треба да извлечеме поуки од овој пораз. Овој пораз нема да го реши турнирот, така што треба да гледаме напред. Кога ја поседувавме топката, бевме опасни, но тие се силен тим, а тука не се игра лесно. Не мислам дека одигравме лошо“, изјави тренерот на Баерн Минхен.
„Ако треба да бидам објективен, сметам дека добро го започнавме натпреварот и имавме силни 15 минути, но постепено ја загубивме динамиката. Потоа, имав чувство дека опасноста може да дојде од било каде. Сепак, не им дозволивме многу големи шанси на противниците“, истакна Компани.
„Второто полувреме беше подобро. Го контролиравме натпреварот, создадовме одлични шанси. Ги имавме нашите можности, но не успеавме да ги реализираме“, додаде Белгиецот.
