Зимскиот преоден рок заврши, почнуваат пролетните фудбалски возбудувања во Првата лига. Прашањето што веднаш се наметнува…Кој одработи најдобро на зимскиот трансфер пазар?
Лидерот Шкупи повторно покажа финансиска моќ, доведе одлични засилувања. Го доведе Омар Имери на позајмица, го купи Ѓорѓи Стоилов, а има тука и неколку странски засилувања, Бразилецот Куевен, Менсах, Грузиецот Маргвелашвили, Мамаду Данфа.
Академија Пандев има можеби најмногу промени, замина Александар Васоски од клупата, а довербата ја добива Ѓорѓе Стојчев. Замина и најдобриот стрелец Мартин Мирчевски, но дојдоа Пепи Ѓоргиев и Виктор Ангелов…
Шкендија го врати Ферхан Хасани. Доведе и неколку истакнати фудбалери од македонскиот шампионат, Михаил Маневски, Клисман Цаке, Кире Маркоски.
Брегалница го има Илчо Ѓорѓиоски за нов тренер, а Ренова одигра добро со „позајмици“од Шкупи и Шкендија.
Македонија ЃП си врати неколку свои фудбалери кои беа во странство, а го купи и капитенот на Работнички, Кристијан Стојкоски.
Струга Трим Лум пополни за „дупките“ што ги оставија заминувањата на Клисман Цаке и Јасмин Мециновиќ, а Работнички има најмногу нови имиња. Го доведе Арменд Алими од Шкендија, но тој се повреди на подготовките и нема да игра цела пролет. Тука е и Арбин Зејнулаи како нов носител во средниот ред, како и српските интернационалци Анес Рушевиќ, Момчило Рашо и Драшко Ѓорѓевиќ. Дојде и Симеон Христов, но и крилен напаѓач од Венецуела како адути во нападот.
Скопје, Тиквеш, Борец и Пелистер исто така се подзасилија во битката за опстанок. Пелистер го врати Марјан Секуловски на клупата, а Борец ќе го предводи Благоја Левков.
ЗАСИЛУВАЊА ВО ЗИМСКИОТ ПРЕОДЕН РОК
ШКУПИ
Засилувања: Патрик Менсах, Азер Омерагиќ, Бесник Ферати, Куевен да Силва Игнасио, Омар Имери, Гаги Маргвелашвили, Ѓорѓи Стоилов, Мамаду Данфа
АКАДЕМИЈА ПАНДЕВ
Засилувања: Пепи Ѓоргиев, Димитар Митровски, Виктор Ангелов, Бакр Абделуаи, Андрија Секулиќ
Нов тренер: Ѓорѓе Стојчев
ШКЕНДИЈА
Засилувања: Михаил Маневски, Андре Менсалао, Ферхан Хасани, Клисман Цаке, Кире Маркоски
БРЕГАЛНИЦА
Засилувања: Диего Живулиќ, Урош Дамњановиќ
Нов тренер: Илчо Ѓорѓиоски
РЕНОВА
Засилувања: Фисник Зука, Бери Мухамаду, Мевљан Мурати, Амир Кахримановиќ, Назим Мамаѕаде
МАКЕДОНИЈА ЃОРЧЕ ПЕТРОВ
Засилувања: Кристијан Стојкоски, Голдберг Купер, Давид Атанаскоски, Амир Хусеин Хаџиага, Самир Фазли
СТРУГА ТРИМ ЛУМ
Засилувања: Дарко Илиески, Томе Китановски, Па Омар Џобе, Сава Радиќ
РАБОТНИЧКИ
Засилувања: Арменд Алими, Анес Рушевиќ, Арбин Зејнулаи, Димитриј Поповски, Момчило Рашо, Драшко Ѓорѓевиќ, Симеон Христов, Сантијаго Родригез, Ѓиорѓи Кутсија, Бојан Тимевски (Тетекс)
СКОПЈЕ
Засилувања: Изет Ајрулаху, Боби Целески, Усеини Мунпаин, Јасин Насер, Марко Андоновски, Љубен Филиповски, Антонио Божиноски, , Бујар Хајдари
ТИКВЕШ
Засилувања: Мартин Давков, Глигор Дончев, Николај Христов, Андреј Лазаров, Драган Стојков
БОРЕЦ
Засилувања: Џемал Ибрахимовиќ, Марко Алчевски, Октај Ракипи, Јасин Муше, Аднан Исламовиќ, Александар Милиќ, Кристијан Ивановски, Омар Антонио Медина, Александар Златевски
Нов тренер: Благоја Левков
ПЕЛИСТЕР
Засилувања: Едгард Али Натранг, Христијан Торнески, Бојан Стефановски, Петар Љамчевски, Андреј Ричков, Михаил Милевски, Александар Поповски, Игор Момировски, Удома Чуквума, Јованчо Трајковски, Дарко Божиновски
Нов тренер: Марјан Секуловски
