Македонскиот репрезентативец Иван Тричковски го реши дербито на Кипар во 4. коло од шампионатот. АЕК Ларнака славеше против АЕЛ Лимасол со 2-1 благодарение токму на мајсторскиот гол на Тричковски во 68. минута.
Претходно, АЕЛ постигна гол за водство од 1-0 во 24. минута, а потоа Маркис израмни на 1-1 пред крајот на првото полувреме.
Ова е веќе трет гол за Иван Тричковски во само четвртиот натпревар сезонава на Кипар.
