Менаџерот на Ливерпул, Јирген Клоп, потпиша нов договор и ќе остане на „Енфилд Роуд“ до 2026 година. Тој вели дека е „воодушевен, понизен, благословен, привилегиран и возбуден“ поради новата соработка.
„Кога ми понудија можност за нов договор, самиот си се прашав, дали имам енергија за да работам посветено уште толку многу време, затоа што добро знам што значи менаџерската позиција во овој клуб. Одговорот беше многу едноставен, зато што сум заљубен во „Енфилд“ и се чувствувам добро“.
Цитатот на Клоп се однесува на адаптираната верзија на песната на Битлси, „I Feel Fine“, која навивачите на Ливерпул ја скандираа за негова поддршка во последните недели.
