Англискиот првак Ливерпул не е во најдобар ритам во Премиер – лигата, но затоа одлично ја отвори нокаут фазата во Лигата на шампионите со триумф (0-2) против Лајпциг. Менаџерот Јирген Клоп ги пофали своите избраници, но и вели дека речиси сите очекувале неговиот тим повторно да загуби.
„Лајпциг се ѕверови, фантастично подготвен тим, а ние одигравме перфектно. Бевме навистина одлични и ја заслуживме победата. Бевме цврсти во одбраната, имавме брза реакција по загубена топка за повторно да го вратиме поседот, но ова е само прв натпревар од осминафиналето. И знам дека сите очекуваа повторно да загубиме“, изјави Јирген Клоп.
