Англискиот првак Ливерпул сака да ја засили дефанзивната линија со стоперот на Рома, Рожер Ибањез. Тој лани пристигна на „Олимпико“ и игра одлично во дресот на „волчицата“. Го привлече вниманието и на Јирген Клоп кој размислува да го доведе на „Енфилд Роуд“ во зимскиот преоден рок.
Ливерпул има огромни проблеми во дефанзивата откако Вирџил ван Дајк го повреди коленото и ќе отсуствува цела сезона. Рома го купи Ибањез за 22 милиони евра, но во моментов неговата цена достигнува и до 35 милиони евра. Покрај Ливерпул, за него се интересираат Тотенхем и Лестер.
