Рома го декласира Бодо совладувајќи го со 4-0 на „Олимпико“ и го фрли во заборав минималниот пораз што тимот на Жозе Мурињо го доживеа во првиот четвртфинален дуел во Конференциската лига на УЕФА. Николо Заниоло беше херој откако постигна хет-трик, а првиот гол беше дело на Тами Абрахам.
Во полуфиналето се пласираа и Феенорд и Олимпик Марсеј, придружувајќи му се на Лестер.
Олимпик Марсеј и вторпат го совлада ПАОК, овојпат со 0-1 на гости. Феенорд оствари гостинска победа од 1-3 против Славија Прага, откако првиот дуел во Холандија заврши 3-3.
