Бетис направи голем чекор кон осминафиналето на Конференциската лига, откако славеше со убедливи 0-3 на гостувањето кај Гент. Шпанскиот тим одигра фантастично второ полувреме, а повторно блесна Eнтони, зимското засилување од Манчестер Јунајтед.
Бразилецот го отвори резултатот само две минути по паузата со одличен гол, а до крајот на мечот Бакамбу и Алтимира ја потврдија доминацијата на Бетис.
Хајденхајм исто така запиша значајна гостинска победа, откако со пресврт го совлада ФК Копенхаген на „Паркен“ (1-2). Домаќините поведоа преку Ларсон, но Келер и Сиерслебен донесоа победа за германскиот тим.
Борац Бања Лука обезбеди минимална предност во балканското дерби против Олимпија Љубљана (1-0). Единствениот гол беше постигнат во судиското надополнување, а македонскиот репрезентативец Бобан Николов одигра еден час, додека Дамјан Шишковски остана на клупата.
Во Кипар, Омонија и Пафос одиграа 1-1, со по еден гол во двете мрежи.
