КЛ: Ајнтрахт испушти два гола предност, убедлив триумф на Штурм

Унион Сен Жил и Ајнтрахт Франкфурт одиграа 2-2 во првиот осминафинален натпревар од Конференциската лига. Германците имаа два гола предност на полувреме со головите на Шаиби и Калајџиќ, но Расмусен и Нилсон сепак го спасија белгискиот тим од пораз.

Домаќинот од 78. минута играше со фудбалер помалку, откако втор жолт картон заработи Ванхут.

Штурм го победи Слован Братислава со 4-1, Молде славеше со 3-2 против Легија Варшава, додека Олимпијакос оствари минимален триумф (1-0) над Ференцварош.