Капитенот на Јувентус, Џорџо Кјелини изјави дека е разочаран од Леонардо Бонучи и знаел дека ќе згреши кога остави трансфер во Милан во 2017 година. Централниот дефанзивец ги шокираше навивачите на Јувентус кога реши да му се приклучи на Милан пред три години, но италијанскиот репрезентативец се врати на стадионот “Алијанц” по само една сезона со “росонерите”.
“Бев разочаран. Му напишав приватна порака. Животните избори мора да се прифатат, но знаев дека тој прави грешка. Милан во тоа време, со сета почит, не беше Реал Мадрид, и не беше денешниот Милан. Да се оди таму денес би било поинаку. Во тој период, Лео направи чекор назад во тежок момент”, изјави Кјелини за телевизијата.
“Да одевме заедно на одмор еден месец претходно, можеби тој немаше да замине. Ќе го натерав да разбере дека прави грешка”. Бонучи се врати кај “бјанконерите” и досега има 452 натпревари за време на неговата кариера во Торино.
