Македонскиот второлигаш Кит-Го е првиот кој ќе мора да менува на тренерската позиција, и тоа по само едно одиграно коло. Емил Грнев си поднесе оставка на тренерската функција.
Во првото коло тимот на Кит Го доживеа пораз (2-1) на гостувањето кај Победа Прилеп во Втората лига – Исток.
„Од денеска повеќе не сум шеф на стручниот штаб на Кит-го, поднесов оставка. Му посакувам на Кит-го се најдобро во првенството. Поминав две прекрасни години, благодарност до првите луѓе на Кит-го што имаа доверба во мене, мислам дека истата ја оправдав“, изјави Грнев.
