Поразот од Беласица на стартот од новата сезона во Втората лига – Исток веќе е зад фудбалерите на Кит Го кои ги очекува уште еден дерби натпревар во 2. коло, овој пат в недела против Кожуф пред своите навивачи во Пехчево.
Стратегот на Кит Го, Емил Грнев вели дека се извлечени поуки од средбата во Струмица, согледани недостатоците во играта, па со извесна корекција сега се очекуваат првите бодови во новата сезона.
„Ги увидовме сите грешки во играта од мечот со Беласица, па сигурно ќе има и промени во составот за мечот со Кожуф. Но, и покрај тоа остануваме цврсто на визијата, идејата и играта која ја подготвувавме за оваа сезона. И натаму секако ќе играме офанзивно, во очекување на подобрена и реализација која мора да биде на неопходното ниво. Ги очекуваме првите бодови сезона на неделната пресметка со Кожуф“ – вели Грнев.
