Кире Ристевски во вистински момент го постигна својот прв гол за Ујпешт, стрелајќи прецизно на дуелот против Дебрецин, директен ривал во битката за опстанок од унгарскиот шампионат.
Македонскиот дефанзивец одлично се снајде во 9. минута од натпреварот, кога по еден корнер од десната страна налета на топката и со прекрасен волеј-удар од десетина метри го матираше гостинскиот голман.
За Ристевски ова беше прв погодок како член на Ујпешт, во втората сезона во која го носи дресот на овој унгарски прволигаш.
