Шпанскиот прволигаш Севилја наскоро би можел да го промовира Кике Санчез Флорес за нов тренер.
Диего Алонсо не успеа да ги извлече резултатски Андалузијците кои ја играат најлошата сезона во подолг период, а испаднаа и од европските натпреварувања каде завршија на последното место во групата со Арсенал, ПСВ и со Ленс.
Кике Санчез Флорес е познато тренерско име кое работеше во дури 10 клубови, во три наврати го водеше Хетафе, а ќе се обиде да го поправи разочарувачкиот период за Севилја.
Најдобрите резултати во тренерската кариера ги постигна со Валенсија на самиот почеток, кога во сезоната 2005/06 се пласираше со оваа екипа во Лигата на шампионите и стигна до четвртфиналето.
