Српскиот тренер и стратег на Болоња, Синиша Михајловиќ на денешната прес-конференција изјави дека повторно му е дијагностицирана леукемија.
По успешната борба со оваа болест, Михајловиќ повторно ќе мора да оди на терапија.
„Следната недела ќе морам да бидам хоспитализиран. Подготвен сум да извлечам уште една лекција. Оваа болест е навистина храбра и сака повторно да ме фати“, изјави Михајловиќ, а пренесуваат италијанските медиуми.
Тој ќе направи мала пауза за лекување, а потоа јавноста дополнително ќе биде информирана дали ќе остане на кормилото на Болоња.
На крајот на 2020 година, Синиша Михајловиќ објави дека успеал да ја победи леукемијата по година и пол борба.
