Реал Мадрид ја оствари петтата последовна победа во Ла Лига совладувајќи ја Гранада со 2-0 на стадионот „Алфредо ди Стефано“. Стрелец на водечкиот гол за „кралскиот клуб“ беше Кашемиро во 57.минута, а победата ја потврди Карим Бензема во судиското продолжение од мечот.
Реал Мадрид со овој триумф се израмни на врвот на табелата со Атлетико Мадрид со по 32 бода, но градскиот ривал има одиграно два меча помалку.
