Бразилецот Кашемиро потпиша четиригодишен договор со Манчестер Јунајтед и со тоа го комплетираше еден од најголемите трансфери ова лето. Дефанзивниот играч за врска пристигна од Реал Мадрид и седмично ќе заработува 413.000 евра.
Реал Мадрид од овој трансфер ќе заработи 60 милиони евра, плус десет милиони преку бонуси.
Тој сигурно ќе биде големо засилување за тимот на Ерик тен Хаг, бидејќи она што го сака Манчестер Јунајтед дефинитивно не може да го направи со Фред и со Мектоминај на средината на теренот.
Кашемиро донесе голема одлука да го напушти европскиот и шпанскиот првак и од удобна зона да се пресели на „Олд Трафорд“, во Манчестер Јунајтед кој моментно е на дното во Премиер – лигата и нема да биде учесник во Лигата на шампионите оваа сезона.
