Дефанзивецот на Реал Мадрид, Дани Карвахал, го призна поразот од Манчестер Сити во реваншот од полуфиналето во Лигата на шампионите на „Итихад“. Англичаните победија убедливо со 4-0, а десниот бек на Реал изјави и дека тотално го надиграле неговиот тим.
„Тие тотално нѐ надиграа. Мора да признаеме дека Сити беше подобар тим и нешто ни недостигаше. Дозволивме премногу да нѐ притиснат. Знаевме дека Манчестер Сити е многу силен дома, но по првиот натпревар имавме верба дека можеме подобро од она што го покажавме. Ние сме Реал Мадрид и ќе се вратиме посилни. Ќе работиме напорно за да се вратиме повторно следната сезона“, изјави Карвахал.
Манчестер Сити во финалето на ЛШ ќе игра против Интер на 10 јуни во Истанбул.
