Калум Хадсон-Одои сака да го напушти Челси до крајот на летниот преоден рок, а неговите агенти се во преговори со Борусија Дортмунд за евентуална позајмица. „Скај Германија“ пишува дека 21-годишниот крилен напаѓач на Челси побарал од раководството на клубот да си замине за да ја добие посакуваната минутажа во друга средина.
Неговите агенти добија право да преговараат со други клубови, а интерес покажаа Борусија Дортмунд, Јувентус и два англиски премиерлигаши.
Неговиот договор со Челси важи уште две години, а Хадсон-Одои и минатото лето бил блиску до позајмица во Борусија Дортмунд, но Челси на крајот се откажал од зделката.
