Реал Мадрид направи уште чудесен пресврт и во Лигата на шампионите, и после ПСЖ и Челси, синоќа го елиминира и Манчестер Сити откако по продолженија славеше со 3-1. Ваков триумф секако мораше да се прослави на посебен начин, па фудбалерите на Реал Мадрид танцуваа во соблекувалната.
Во 90. минута, Реал Мадрид заостануваше со два гола во вкупниот резултат и се беше подготвено да слави во тимот на Манчестер Сити, но така не мислеше Родриго, кој на Реал му донесе голем пресврт и продолженија. Потоа Карим Бензема од пенал го постигна решавачкиот гол за конечни 3-1 и „кралевите“ се пласираа во финалето на ЛШ против Ливерпул.
