Барселона направи голем кикс на домашен терен откако ремизираше (1-1) против Кадиз. Гостите успеаја да стават крај на низата порази, а тимот на Роналд Куман иако доминираше во најголем тек од мечот на крајот не ги освои трите бода.
Лионел Меси од пенал донесе водство за Барселона во 32.минута, но и покрај многу напади и шанси каталонскиот тим не постигна втор погодок, а на крајот дојде казната. Во 89.минута беше досуден пенал за Кадиз, а го реализираше Алеиш Фернандез.
