Италијанскиот калчолигаш Јувентус успеал да ги договори личните услови со италијанскиот репрезентативец Николо Заниоло. Неговиот агент Клаудио Вигорело, како што откриваат италијанските медиуми, договорил Заниоло да потпише до 2027 година, а да заработува 4 милиони евра по сезона во Торино.
За Јувентус сега останува потешката задача, да ја договори отштетата со Рома за реализација на трансферот. Раководството на римјаните бара 50 милиони евра за Заниоло, но подготвено е да ја разгледа и опцијата за едногодишна позајмица, со задолжителен откуп на неговиот договор следното лето.
