Јувентус официјално објави дека го продолжил договорот на бразилскиот дефанзивец Глејсон Бремер до 2029 година.
27-годишниот фудбалер ќе има и повисока отштетна клаузула од летото 2025 година, при што досегашната му беше 60 милиони евра.
Неколку клубови, вклучувајќи го и Манчестер Јунајтед од Англија, покажаа интерес за Бремер ова лето, но трансферот не се оствари. Дефанзивецот е задоволен во Јувентус и не бараше трансфер во друг клуб.
Бремер е стартер за Јувентус, и минатата сезона одигра 40 натпревари во кои постигна три гола за „бјанконерите“.
