Дефанзивецот на Арсенал, Габриел Магалјаеш е трансферна цел на италијанскиот калчолигаш Јувентус, откриваат медиумите на Апенините. 24-годишниот бразилски централен дефанзивец им донесе победа на „топчиите“ од 2-1 над Вест Хем во лондонското дерби во неделата, а раководството на Јувентус е подготвено во овој трансфер да го вклучи и бразилскиот играч за врска Артур Мело.
„Старата дама“ во Габриел гледа одлична опција да го замени долгогодишниот дефанзивец на Јувентус, Џорџо Кјелини. Договорот на Кјелини со клубот од Торино истекува во 2023 година, но ова лето тој би можел да се раздели по 17 години во црно-белиот дрес и да замине во МЛС – лигата на САД.
