Јувентус и официјално го објави ангажманот на Кристијано Џунтоли за нов спортски директор на клубот. Тој потпиша петгодишен договор со плата од 2,5 милиони евра по сезона.
Џунтоли ја зазема функцијата испразнета од Федерико Черубини и ќе биде новиот одговорен за спортско-техничката работа во редовите на „старата дама“.
51-годишниот менаџер досега беше спортски директор на Наполи, со кој минатата сезона стана шампион на Италија. Тој имаше уште една година од договорот, но спогодбено го раскина за да може да се приклучи на торинскиот гигант.
Италијанецот помина осум сезони во Неапол, а претходно работеше во Специја и во Карпи.
