Полскиот интернационалец Аркадиуш Милик е нов фудбалер на Јувентус. Тој доаѓа од Олимпик Марсеј како позајмен фудбалер на една сезона.
Милик се враќа во Италија, каде претходно го носеше дресот на Наполи, а во Јувентус треба да биде замена за Душан Влаховиќ.
Тренерот Масимилијано Алегри со Милик добива одлична опција во нападот, а раководството на клубот сега се фокусира и на засилување на средниот ред. Леандро Паредес од ПСЖ треба да биде следната акција на „старата дама“.
