Фудбалерите на Јувентус, Адриен Рабио и Вестон Меккени ќе го пропуштат неделниот натпревар со Наполи поради повреди, објавија италијанските медиуми.
Рабио и Меккени се здобија со повреди во победата на Јувентус против Фросиноне од 3-2 во неделата.
Тренерот на Јувентус, Масимилијано Алегри мораше да го замени францускиот играч од средниот ред веќе во првото полувреме, додека Меккени излезе од игра кон крајот на натпреварот.
После лекарските прегледи на Рабио му беше дијагностицирано истегнување на лигаментите на скочниот зглоб, а на американскиот играч од средниот ред истегнување на рамото.
Јувентус е второпласиран на табелата зад Интер, кој има девет бода повеќе, но и еден натпревар помалку.
Во недела Јувентус игра со Наполи во Неапол во натпревар од 27.коло на Серија А.
